1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaJamus

Jamusawa na zaben sabuwar gwamnati a Lahadin nan

Abdulkarim Muhammad Abdulkarim
February 23, 2025

Zaben na zuwa ne watanni bakwai kafin ainihin lokacinsa, sakamakon rushewar gwamnatin hadaka karkashin jagorancin Olaf Scholz.

https://p.dw.com/p/4qv8y
Hotunan Olaf Scholz da Friedrich Merz
Hoto: Kay Nietfeld/dpa/picture alliance

A safiyar Lahadin nan aka bude rumfunar zabe a nan Jamus, kasa mafi yawan al'umma da karfin tattalin arziki a nahiyar Turai, da ke fama da koma-bayan tattalin arzikin, hadi da matsin lamba kan dokokin shigar bakin haure da kuma makomar Ukraine da alakar Turai da Amurka.

Karin bayani:Jam'iyyun siyasar Jamus na karkare yakin neman zaben Lahadi

Jamus ita ce kasa ta biyu mafi tallafawa Ukraine da makaman yaki don kare kanta daga mamayar Rasha, inda mutane sama da miliyan 59 suka cancanci kada kuri'a, daga cikin mutane miliyan 84 na kasar, wadanda za su zabi 'yan majalisa 630 wato Bundestag.

Shugaban gwamnatin Jamus Olaf Scholz ya jefa kuri'a
Hoto: Sind Schuldt/dpa/picture alliance

Zaben na zuwa ne watanni bakwai kafin ainihin lokacinsa, sakamakon rushewar gwamnatin hadaka karkashin jagorancin Olaf Scholz a cikin watan Nuwamban bara, bayan fama da rikicin cikin gida.

Karin bayani:Sabbin manufofin ketare na taka rawa a zaben Jamus

Kuri'ar jin ra'ayin jama'a da masana suka tattara ta nuna cewa 'dan takarar hadakar jam'iyyun CSU/CDU Friedrich Merz ne ke kan gaba wajen samun farin jini a kasar, yayin da jam'iyyar AfD mai ra'ayin rikau da tsananin kyamar baki ke kara samun tagomashi.