Agajin jin ƙai a Sudan ta Kudu
February 4, 2014Talla
Majalisar ta ce tana buƙatar kuɗaɗen ne don taimaka wa mutane kusan miliyan uku waɗanda yaƙin da ake fama da shi tun a tsakiyar watan Disamba shekara bara ya rutsa da su.
Da ya ke yin magana da manema labarai shugaban agajin jin ƙai na MDD a Sudan ɗin ta Kudu Toby Lanzer,ya ce abu na farko da zasu yi da kuɗaɗen shi ne ceton rayuka da abinci da magungunan da kuna sauran kayayyaki na buƙata. Ta yadda ƙungiyoyin agaji zasu iya kai ɗauki ga jama'ar da ke a cikin ƙauyuka kafin saukar damina lokacin da hanyoyin mota ke lalacewa. MDD ta ce fadan ya tilastawa mutane kusan dubu tara barin gidajensu kana wasu dubu goma suka mutu.
Mawallafi: Abdourahamane Hassane
Edita : Pinado Abdu Waba