Ƙurdawa na riƙe da garin Kobane

Wani kakakin ma'aikatar tsaron Amrika ta Pentagone Amiral John Kirby ya yi gargaɗin cewar,hare-hare ta jiragen sama na yaƙi na Amirkan da ƙawayenta ba za su isa ba, wajen hana garin na Kobane faɗawa cikin hannu 'yan tawayen.

To sai dai a wani taron manema labarai da ya yi shugaba Barack Obama ya ce tafiya ce mai nisa.Sannan kuma ya ce za su ci gaba da kai hare-hare tare da ƙawayensu a kan masu jihadin har sai haƙarsu ta cimma ruwa.