یورپی فٹ بال چیمپئن شپ کا پہلا سیمی فائنل، جرمنی بمقابلہ ترکی
24 جون 2008ترکی کی ٹیم خاصے دباؤ میں ہے۔ انجریز اور زرد کارڈ کی وجہ سے کُل نو کھلاڑی سیمی فائنل میں کھیلنے سے محروم ہیں۔
ترک کوچ کے مطابق ایسے میں ایک نیا کیپر ٹیم میں شامل کیا جا سکتا ہےکیونکہ کھلاڑیوں کی دستیابی میں مشکلات کا سامنا ہے۔
ترکی کےہونہار کھلاڑی نہاد اپنی ران کی چوٹ کے باعث ٹورنامنٹ سے باہر ہو گئے ہیں۔ نہاد نے چیک جمہوریہ کےخلاف شاندار کھیل کا مظاہرہ کیا تھا اور اُن کی کارکردگی کی وجہ سےہی
رکی کوارٹر فائنل میں پہنچ سکا تھا۔ کوارٹر فائنل میں کروشیا کےخلاف ایک شاٹ لگاتے ہوئے
نہاد کی ران کا مسل کھچ گیا تھا۔
دوسری طرف جرمن فٹ بال ٹیم کےکپتان مشائیل بالاک نےکہا ہے کہ سیمی فائنل میں ترک کھلاڑیوں کی جانب سے سخت مزاحمت کا سامنا ہو سکتا ہے کیونکہ وہ ذہنی طور پر جرمن انداز میں سوچتے ہیں۔ بالاک کےخدشات کی تائید جرمن قومی کوچ ژوآخیم لُوو نے بھی کیا ہے۔ کروشیا سے شکست کے بعد جرمن کوچ مستعفی ہونےکا سوچنے لگے تھے اور اُن کےخیال میں
اُنہوں نے اِس سوچ کو مثبت سمت پر گامزن کیا جو جرمنی کی فتح میں بعد میں ممد و معاون ثابت ہوا۔
جرمنی اور ترکی کی فٹ بال ٹیموں کےدرمیان سیمی فائنل بُدھ کے روز سوئٹزر لینڈ کے شہر بازل کے سینٹ جیکب سٹیڈیم میں کھیلا جائے گا۔ اِسی میدان پر جرمن فٹ بال ٹیم پرتگال کی مضبُوط ٹیم کو کوارٹر فائنل میں شکست دینےمیں کامیاب ہوئی تھی۔