پرویز مشرف کی رخصت پر یوم نجات
19 اگست 2008اشتہار
پرویز مشرف کے مستعفی ہونے کے ایک روز بعد پاکستان بھر میں یوم تشکر اور یوم نجات منایا جا رہا ہے۔ پاکستان سپریم کورٹ بار ایسوسی ایشن کے صدر اعتزاز احسن نے کہا ہے کہ ملک بھر کے لئے خوشی کا دور شروع ہو چکا ہے۔ انہوں نے وکلا برادری سے کہا ہے کہ وہ خوشیاں منائیں کیونکہ اب جلد ہی معزول عدلیہ بھی بحال ہونے والی ہے۔ دوسری طرف زرداری ہاوس میں جاری ایک اہم اجلاس میں نئے صدر کی تعیناتی کے علاوہ ججوں کی بحالی کے بارے میں اہم فیصلے متوقع ہیں۔
دوسری طرف پاکستان کی کئی سیاسی اور مذہبی جماعتوں نے بھی منگل کے دن یوم نجات منانے کا فیصلہ کیا۔
دوسری طرف پاکستان کے تجارتی مرکز کراچی میں سیاسی کشمکش کے خاتمے کے نتیجے میں ستاک مارکیٹ میں بھی بہتری دیکھی گئی ہے۔