مشرقی تیمور میں آسڑیلوی دستوں میں اضافہ
12 فروری 2008اشتہار
مشرقی تیمور میں اس وقت حالات کشیدہ وئے کہ جب گزشتہ روز ملک کے کے صدر جوزے رموس ہورتا ( Jose Ramos Horta) اور وزیر اعظم شانانا گوش ماو ( Xanan Gusmao ) پر قاتلانہ حملے کئے گئے۔ اس قاتلانہ حملے میں صدر شدید زخمی ہوئے جبکہ وزیر اعظم بال بال بچ گئے۔ ۔ طبی حکام نے بتایا ہے کہ ، صدر کی حالت نازک مگر خطرے سے باہر ہے۔ امن و امان کی صورتحال کو قابو میں رکھنے کے لئے آسٹریلیا نے علاقے میں موجود اپنے دستوں میں اضافے کا فیصلہ کیاہے۔ ساتھ ہی ملک میں موجود امن دستوں نے اپنی گشت میں اضافہ کر دیا ہے۔ ملک کے نگران صدر Vicente Guterres نے ملک میں دو دن کے لئے ہنگامی حالت کے نفاذ کا اعلان کیا ہے۔ اقوام متحدہ ، علامی برادری اور سلامتی کونسل نے ان حملوں کی شدید الفاظ میں مذمت کی ہے۔