جرمنی کی دس خوبصورت ترین جھیلیں
جرمنی میں مختلف اشکال اور حجم کی تقریباﹰ 30 ہزار جھیلیں ہیں۔ اگر گرمیوں کی چھٹیاں گزارنا چاہتے ہیں تو دیکھئے یہ دس جھیلیں جو اپنی خوبصورتی کی وجہ سے مشہور ہیں۔
جھیل کونسٹانس
جھیل کونسٹانس جرمنی کے علاوہ سوئٹزرلینڈ اور آسٹریا میں بھی موجود ہے۔ جرمنی میں Konstanz بندرگاہ میں داخل ہوتے ہی یہاں ایک خاتون کا مجسمہ نظر آتا ہے جس نےایک ہاتھ میں بادشاہ اور دوسرے میں پوپ کو تھام رکھا ہے۔ یہ مجسمہ چھ صدی قبل یہاں کی اخلاقی گراوٹ کی جانب ایک کنائیہ ہے اور ہر چار منٹ بعد اپنے محور میں گھومتا دیکھا جا سکتا ہے۔
اسٹافل ذے
جرمنی کی جنوبی ریاست باویریا میں کوہ ایلپس کے پس منظر میں کئی دلفریب جھیلیں ہیں ۔ یہاں کی سب سے بڑی جھیل، Chiemsee ہے جو 80 کلو میٹر پر محیط ہے۔ تاہم اسٹافل ذے اس کے مقابلے میں کافی چھوٹی ہے تاہم یہاں روشنی کچھ اس انداز تک پہنچتی ہے کہ یہ جھیل خوبصورتی میں بے مثل نظر آتی ہے۔
آئب ذے
باویریا میں ہی جرمنی کی سب سے اونچی پہاڑی کے سامنے موجود جھیل کانام کئی برس قبل اس کے اطراف میں موجود آئب ذے درختوں کے نام پر رکھا گیا ہے۔ اس جھیل کا کرسٹل کی طرح شفاف پانی اس جگہ کے حسن کو دوبالا کرتا ہے۔
ڈاؤنر مارے
یہاں گہری نیلی اور گول شکل کی جھیلوں کا وجود جوالہ مکھی کے باعث وجود میں آیا۔ اس خطے میں ایسے تقریباﹰ 70 جھیلیں ہیں۔
فروہلنگرو ذے
کولون شہر کے شمال میں واقع یہ جھیل انسانی کاریگری کا نتیجہ ہے۔ یہاں گرمیوں میں 80 ہزار سے زائد افراد آتے ہیں اور یہاں ہونے والے اسپورٹس ایونٹ میں حصہ لیتے ہیں۔
بلائیلوخ ٹالس سپیرے
جرمنی کا سب سے بڑا ذخیرہ آب اس وقت وجود میں آیا جب دریائے Saale پر بند باندھا گیا۔ اس تالاب میں 215 ملین کیوبک پانی کو ذخیرہ کیا گیا ہے۔ ان پانیوں میں تین روزہ بحری سفر کا بھی انتظام کیا جاتا ہے۔
ایڈر ذے
صوبہ ہیسے کے نیشنل پارک میں موجود اس جھیل کی خاص بات یہ ہے کہ اس کے چاروں اطراف موجود درختوں کو یونیسکو کی جانب سے ورلڈ نیچرل ہیریٹیج قرار دیا جا چکا ہے۔ اس کے پانیوں میں صرف برقی کشتیوں کو چلنے کی اجازت دی جاتی ہے۔
لاؤسٹزر ذےلانڈ
جرمنی کے جنوب مشرقی ریاست سیکسنی میں یورپ کی سب سے بڑی مصنوعی جھیل کامپلیکس تعمیر کیا جا رہا ہے۔ یہاں موجود مختلف جھیلوں کی شاخیں 80 کلو میٹر طویل حصے تک پھیلی ہوئی ہوں گی۔ سیاحوں کی اس کامپلیکس میں ابھی سے آمد شروع ہو چکی ہے ۔
اشٹیشلن ذے
اس خوبصورت جھیل کا ذکر معروف جرمن مصنف تھیوڈور نے اپنے ناول The Stechlin میں بھی کیا ہے۔ 70 میٹر گہری اور شفاف پانی والی یہ جھیل Brandenburg میں موجود دیگر 3 ہزار جھیلوں میں سب سے زیادہ دلفریب تصور کی جاتی ہے۔
مؤرٹز
مؤرٹز جرمنی کی شمالی ریاست Mecklenburg-Vorpommern میں دو ہزار کے لگ بھگ جھیلیں ہیں۔ یہاں کی سب سے بڑی جھیل ہے جہاں ہر سال بہار اور خزاں کے موسم میں ہزاروں سارس نظر آتے ہیں۔ اس جھیل کے سفر کے لیے برلن یا ہیمبرگ سے آبی سفر کیا جا سکتا ہے۔