ایران: عید نوروز سے جشن بہاراں تک
مارچ کے آخری ایام میں ایران کے تمام شہروں میں نئے شمسی سال اور بہار کی آمد کی بھرپور تیاریاں کی جاتی ہیں۔ 20 مارچ کو عید نوروز سے 29 مارچ کے جشن بہاراں تک یہ تہوار منایا جاتا ہے۔ ان تیاریوں کی کچھ تصویری جھلکیاں۔
ایران میں عید نوروز منانے کے بعد عوام بہار کے موسم کو خوش آمدید کہنے کی تیاریاں کرنے کے لیے بازاروں کا رخ کرتی ہے۔
یہاں کی مارکیٹوں میں دستیاب خوبصورت گھریلو آرائشی اشیا کی بہتات ہے جو ان خاص دنوں میں خریداروں کو اپنی جانب مائل کرتی ہیں۔
یہاں صرف شہروں میں نہیں بلکہ چھوٹے علاقوں اور گاؤں میں بھی اتنی ہی زور و شور سے تیاریاں کی جاتی ہیں۔
تہران میں پھولوں کی یہ مارکیٹ اس ملک میں موجود کئی مارکیٹوں میں سے ایک ہے جہاں سے نئے موسم کے پودے خرید کر لوگ اپنے گھروں میں سجاتے ہیں۔
گزشتہ برس نومبر میں زلزلے سے شدید متاثر ہونے والے صوبے کرمان شاہ میں تباہ کاریوں کی باقیات اب تک موجود ہونے کے باوجود نو روز منایا جاتا ہے۔
تہران کے ایک بازار میں خریداروں کا رش۔
بہار کو خوش آمدید کہنے کے لیے گھروں کی صفائیاں کی جاتی ہیں۔
گھروں کی صفائیاں، انہیں سجانے اور خریداری پر ایک اندازے کے مطابق 80 سے ایک لاکھ ایرانی کرنسی یعنی تومان کی لاگت آتی ہے۔
یہاں کی مارکیٹوں میں سردیوں کی سوغات یعنی کئی اقسام کے بادام، اخروٹ، مغز، اخروٹ اور گری وافر مقدار میں دستیاب ہے۔
اس موقعے پر لوگ اپنے بچھڑے پیاروں کو بھی یاد رکھتے ہیں اور ان کی قبروں پر پھول چڑھاتے ہیں اور ان کے لیے دعا کا اہتمام بھی کرتے ہیں۔
نوروز کے تہوار کے اختتام پر ملک کے اکثر شہروں میں خوبصورت نقشین دیوقامت انڈوں کے مجسمے رکھے نظر آتے ہیں جو یہاں شروع ہونے والے ایک نئے تہوار کی علامت ہیں۔