1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
JangaMarekani

Watu 36 wafariki kutokana na moto mkali Visiwa vya Hawaii

Lilian Mtono
10 Agosti 2023

Maelfu ya wakazi katika eneo la Maui, kwenye visiwa vya Hawaii wameyakimbia makazi yao kufutia moto mkubwa ulioharibu baadhi ya maeneo ya mji huo mkongwe na kuwauwa takribani watu 36.

https://p.dw.com/p/4V0ts
Waldbrände auf Hawaii | Lahaina
Moto unaowaka katika visiwa vya HawaiiPicha: Matthew Thayer/Maui News/AP/picture alliance

Moto huo umeunguza magari yaliyokuwa kwenye mitaa iliyokuwa na shughuli nyingi na kusababisha moshi mzito katika eneo lenye majengo ya kihistoria na kivutio kikubwa cha watalii katika mji wa Lahaina.

Wafanyakazi hapo jana walijaribu kuuzima moto huo kwenye baadhi ya maeneo na watu walilazimika kukimbilia baharini kutokana na miale mikali.

Kulingana na mkurugenzi wa usafirishaji, Ed Sniffen, watalii walishauriwa kukaa mbali, na karibu 11,000 miongoni mwao walipelekwa Maui na wengine 1,500 wakitarajia kuondoka leo.