Zgjedhjet në South-Carolina - Obama apo Clinton?
26 Janar 2008Njerëzit në South-Carolina kanë mundësinë të zgjedhin tani mes një afro-amerikani dhe një gruaje.
Në Charleston njerëzit ecin nëpër rrugë dhe përkujtojnë Martin Luther King. Luftëtari i të drejtave të njeriut, adhurohet nga të gjithë, sepse një të tretat e popullsisë janë afro-amerikanë. Edhe Arthur Wearing ka dalë për të parë paradën festive. Votën e tij e dha për Barack Obamën, senatorin e zi: "Tani do të zhvillohet një histori e re. Mund të zgjedhim mes një afro-amerikani dhe një gruaje. Deri më sot kemi pasur vetëm presidentë të bardhë. Unë nuk jam racist, por përpara se të vdes, dua të përjetoj njëherë një president afro-amerikan."
Cody Chance është simpatizant i Obamës dhe ka ardhur në një fushatë zgjedhore të Hillary Clinton, në të cilën po flet Bill Clinotn. Pas fjalimit, Cody është shndërruar në një simpatizant të Hillary Clintonit: "Në rast se të janë prishur frenat e makinës, kush mund të t´i reparojë? Një njeri me eksperiencë apo një njeri me vizione?"
Për Codyn është e qartë se familja Clinton ka eksperiencë dhe gëzon imazhin se lufton për të drejtat e njeriut dhe të pakicave. Ndërkohë simpatizantët r Barack Obamas besojnë tek aftësitë e tij për t´u integruar. Jeffrey Cooper është rreth 50 vjeç dhe i bardhë.
Ai ka ardhur me bashkëshorten në Greeenwood për të parë nga afër Barack Obamën: "Obama është ndoshta kandidati i vetëm me shansin apo mundësinë për t´i bashkuar njerëzit në këtë vend. Unë nuk e duroj më dot këtë politikë partiake demokratët kundër republikanëve. Obama mund të jetë evetnuel pikërisht personi i duhur për të vepruar si katalizator mes dy kampeve."