1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor
PolitikëUkrainë

Valë e re sulmesh ruse mbi Odesa

23 Korrik 2023

Nga Ukraina bëhet e ditur, se nga sulmet e fundit ruse mbi qytetin port në Detin e Zi, Odesa janë vrarë dy civilë, janë plagosur 22 vetë si dhe janë dëmtuar apartamente banimi.

https://p.dw.com/p/4UHHo
Aksion shpëtimi pas sulmeve në Odesa, 23.07.2023
Aksion shpëtimi pas sulmeve në Odesa, 23.07.2023Fotografi: Jae C. Hong/AP/dpa/picture alliance

"Odesa: një tjetër sulm natën i monstrave", shkroi në shërbimin Telegram, Oleh Kiper, guvernator i rajonit jugor ukrainas për Odesën duke bërë të ditur se "për fat të keq kemi një civil që është vrarë". Sipas të dhënave të Kiper ka pasur dëme në "infrastruktururën civile, ndërtesa banimi dhe institucione fetare." Sipas agjencive është dëmtuar rëndë edhe kisha më e madhe ortodokse e qytetit Odesa. Nga Kievi njoftohet gjatë së dielës se janë vrarë dy civilë dhe janë plagosur 22 vetë pas sulmeve ruse mbi Odesa.

Dëmtohet katedralja e Odesas pas sulmeve
Dëmtohet katderalja e Odesas pas sulmeveFotografi: Libkos/AP/dpa/picture alliance

Ushtria ukrainase në fillim të qershorit dha sinjalin për kundërofensivën me synim rimarrjen e zonave të pushtuara ngaRusia. Qëllimi i deklaruar ishte edhe vendosja e Krimesë nën kontrollin e Ukrainës. Përmes gadishullit të Krimesë kalon edhe një pjesë e madhe e furnizimeve për trupat ruse në jug të Ukrainës. Vetëm në fillim të kësaj jave u dëmtua nga një sulm ura 19 km e gjatë që lidh tokën ruse me Krimenë.

Shkatërrim pas sulmeve ruse në Odesa
Shkatërrim pas sulmeve ruse në OdesaFotografi: Cover-Images/IMAGO

Ndërkohë ushtria ukrainase ka konfirmuar një sulm ndaj Gadishullit të Krimesë, të aneksuar ngaRusia në vitin 2014. Sulmi të shtunën ka synuar të godasë "objektiva ushtarake" dhe është kryer nga forcat ushtarake ukrainase, thuhet nga qarqet ushtarake, sipas "tagesschau". Nuk janë dhënë hollësi të tjera. Më parë guvernatori i emëruar nga Moska në Krime, Sergej Aksjonov kishte bërë të ditur, se përmes një sulmi me dronë nga Ukraina ka shpërthyer një depo municioni. Pas kësaj u mor vendimi për evakuimin e një rajoni në një qark prej pesë kilometrash. Sipas Aksjonov u ndërpre përkohësisht edhe lëvizja me trena.

 

 

la/tgsch