Shtajnmajer: Më shumë shkolla dhe institute gjermane jashtë vendit
14 Shkurt 2008Reklamë
Numri i shkollave gjermane në botën e jashtme do të dyfishohet vitet e ardhshme. Këtë bëri të ditur ministri i jashtëm gjerman, Frank Valter Shtajnmajer të mërkurën (13.02) para komisionit të Bundestagut për çështje të kulturës. Edhe numri i Instituteve Gëte do të shtohet. Ministri i jashtëm gjerman mori lëvdata nga të gjitha grupet politike për politikën kulturore në botën e jashtme. Në dallim nga paraardhësi i tij, Joshka Fisher, socialdemokrati Shtajnmajer që prej vitit 2005 nuk e ka kufizuar politikën e jashtme në aspekte të sigurisë, kështu mendojnë politikanët përgjegjës për kulturën në të gjitha fraksionet.
Veçanërisht Institutet Gëte në të gjithë botën mund të gëzohen për një financim më të mirë, se sa në kohët e koalicionit midis socialdemokratëve dhe të Gjelbërve. Në atë kohë madje u desh të mbyllen disa institute. Shtajnmajeri shënoi me ndihmën e parlamentit një kthesë në këtë drejtim. I sapokthyer nga udhëtimi i tij në Afrikë, Shtajnmajeri tha se është planifikuar ngritja e Instituteve Gëte në Daresalam të Tanzanisë dhe në Luanda të Angolës.
Një pikërëndesë tjetër do të jetë Amerika Latine. Një rajon me rrënjë të forta evropiane dhe gjermane, i cili sikur "është harruar" nga politika kulturore gjermane për botën e jashtme, pranoi Shtajnmajeri dhe sinjalizoi një ndryshim kursi: "Besoj se punët do të ndryshojnë, sepse shtete si Meksika dhe Brazili me ekonomitë e tyre popullore në rritje do të kërkojnë vitet e ardhshme shumë më fort rrugën për te ne. Dhe do të prezantohen shumë më fort këtu, në tregun evropian dhe me profilin e tyre kulturor. Kështu që besoj se do të kemi një shkëmbim më të madh me shtete të veçanta latine dhe të Amerikës së Jugut. "
Me duartrokitje e pritën anëtarët e Komisionit të Kulturës deklaratën e Shtajnmajerit se numri i institucioneve arsimore gjermane në botën e jashtme do të dyfishohet në tri vitet e ardhshme nga 500 në 1000 mijë. Në udhëtime ai konstaton se kërkesat janë gjithnjë shumë më të mëdha se sa oferta, tha Shtajnmajeri. Kurset e gjuhës duhen parë jo vetëm në aspektin kulturor, por edhe në atë ekonomik: "Prandaj unë po bisedoj në këtë moment me ekonominë gjermane për gjetjen e elementëve tërheqës për ata që mbarojnë shkollat gjermane në botën e jashtme, në mënyrë që ata të kryejnë kualifikime pasuese këtu në Gjermani."
Veçanërisht Institutet Gëte në të gjithë botën mund të gëzohen për një financim më të mirë, se sa në kohët e koalicionit midis socialdemokratëve dhe të Gjelbërve. Në atë kohë madje u desh të mbyllen disa institute. Shtajnmajeri shënoi me ndihmën e parlamentit një kthesë në këtë drejtim. I sapokthyer nga udhëtimi i tij në Afrikë, Shtajnmajeri tha se është planifikuar ngritja e Instituteve Gëte në Daresalam të Tanzanisë dhe në Luanda të Angolës.
Një pikërëndesë tjetër do të jetë Amerika Latine. Një rajon me rrënjë të forta evropiane dhe gjermane, i cili sikur "është harruar" nga politika kulturore gjermane për botën e jashtme, pranoi Shtajnmajeri dhe sinjalizoi një ndryshim kursi: "Besoj se punët do të ndryshojnë, sepse shtete si Meksika dhe Brazili me ekonomitë e tyre popullore në rritje do të kërkojnë vitet e ardhshme shumë më fort rrugën për te ne. Dhe do të prezantohen shumë më fort këtu, në tregun evropian dhe me profilin e tyre kulturor. Kështu që besoj se do të kemi një shkëmbim më të madh me shtete të veçanta latine dhe të Amerikës së Jugut. "
Me duartrokitje e pritën anëtarët e Komisionit të Kulturës deklaratën e Shtajnmajerit se numri i institucioneve arsimore gjermane në botën e jashtme do të dyfishohet në tri vitet e ardhshme nga 500 në 1000 mijë. Në udhëtime ai konstaton se kërkesat janë gjithnjë shumë më të mëdha se sa oferta, tha Shtajnmajeri. Kurset e gjuhës duhen parë jo vetëm në aspektin kulturor, por edhe në atë ekonomik: "Prandaj unë po bisedoj në këtë moment me ekonominë gjermane për gjetjen e elementëve tërheqës për ata që mbarojnë shkollat gjermane në botën e jashtme, në mënyrë që ata të kryejnë kualifikime pasuese këtu në Gjermani."
Reklamë