Puҫ ushtarak nё Tajlandё
22 Maj 2014Dy ditё pas shpalljes sё ligjit tё luftёs nё Tajlandё ushtria, sipas tё dhёnave tё veta, pas njё puҫi jo tё pёrgjakshёm ka marrё pushtetin. "Forcat e armatosura, aviacioni i mbretёrisё dhe policia" do tё kujdesen pёr rivendosjen e rendit publik dhe vёnien e reformave nё lёvizje, deklaroi kreu i ushtrisё Prayuth Chan-ocha nё njё fjalim nё televizion. Nga ora dhjetё nё mbrёmje deri nё orёn pesё nё mёngjes nё vend ёshtё nё fuqi ndalim-qarkullimi. Kushtetuta ёshtё shfuqizuar. 60 vjeҫari u vendos njёkohёsisht nё krye tё kёshillit tё ri tё pushtetit, qё do tё kujdeset pёr paqen dhe ruajtjen e rendit. Prayuth u bёri thirrje tajlandezёve tё ruajnё qetёsinё dhe theksoi, se tё gjitha autoritetet duhet tё vazhdojnё punёn. Ky hap i ndёrmarrё, sipas tij, nuk do t'i influencojё marrёdhёniet ndёrkombёtare. Njёkohёsisht kreu i ushtrisё siguroi, se "do t'i mbrojё tё gjthё tё huajt nё Tajlandё".
Dy ditё mё parё (20.05.2014) ushtria shpalli ligjin e luftёs duke shpjeguar se ky nuk ёshtё puҫ, por vetёm synohet qё tё garantohet siguria dhe rendi. Jeta e njerёzve nё Bangkok vazhdon normalisht. "Asgjё nuk ka ndryshuar nё jetёn e pёrditshme" tha Marc Saxer nga fondacioni Friedrich-Ebert nё Bangkok. "Por kjo ёshtё njё pikёkthese politike. E procesin politik tani e ka tёrёsisht nё dorё ushtria."
Ky ёshtё puҫi i dymbёdhjetё ushtarak nё Tajlandё qё pas fundit tё monarkisё absolute nё vitin 1932. Sё fundi nё vitin 2006 u rёzua kryeministri Thaksin Shinavatra - vёllai i sё shfuqizuarёs muaj mё parё Yingluck. Qysh atёherё vendi ёshtё pёrfshirё vazhdimisht prej trazirave politike. Nga nёntori i kaluar ka pasur konfrontime tё ashpra mes pёrkrahёsve dhe kundёrshtarёve tё qeverisё, si pasojё e tё cilave kanё gjetur vdekjen gati 30 vetё. Nё fillim tё majit Gjykata Kushtetuese shkarkoi pёrmes njё vendimi qё hyri menjёherё nё fuqi kryeministren Yingluck Shinavatra e akuzuar pёr shpёrdorim posti. Opozita pёrpiqej qysh atёherё tё rёzojё qeverinё e pёrkohshme tё partisё Puea-Thai. Pёrkrahёsit e qeverisё kёrcёnonin me njё luftё civile.