Projektrezoluta e re e SHBA dhe BE pritet te paraqitet sot në KS

Nju Jork: SHBA dhe Bashkimi Evropian kanë hartuar një projektrezolutë të re, për zgjidhjen e statusit të Kosovës. Me këtë dokument parashikohen edhe bisedime të reja midis Beogradit dhe Prishtinës. Në qoftë se bisedimet brenda katër muajve nuk japin ndonjë rezultat konkret, parashikohet zbatimi i planit të Marti Ahtisarit, për një pavarësi të mbikqyrur të Kosovës. Deri tani Rusia ka kundërshtuar zbatimin e këtij plani, me shpjegimin se rezoluta e re e Këshillit të Sigurimit mund të miratohet vetëm pas marrveshjes dhe kompromisit mes Beogradit dhe Prishtinës. Serbia ka refuzuar bisedimet për pavarësinë, ndërsa autoritetet e Prishtinës janë shprehur kundër hapjes së re të pakos së Ahtisarit. .