Palestinezët drejt luftës civile

Lufta për pushtet midis grupit radikal islamik palestinez Hamas dhe Fatahut të moderuar të presidentit Mahmud Abbas po shkon drejt luftës civile. Hamasi kërkoi nga forcat e sigurisë të afërta me Fatahun, që të largohen prej pozicioneve të tyre në Rripin e Gazës. Sipas të dhënave të veta, disa pika, si në Han Junis në jug, Hamasi i ka vënë nën kontroll. Në një stacion qendror në qytetin e Gazës po zhvillohen luftime. Abbas i akuzoi disa udhëheqës politikë dhe ushtarakë të Hamasit se po planifikojnë një puç dhe kërcënoi me tërheqjen nga qeveria e unitetit. Në luftimet në vazhdim midis dy grupimeve janë vrarë sipas të dhënave lokale që të hënën rreth 20 vetë. Edhe shtëpia e kryeministrit Islamil Hanija të Hamasit u qëllua sërish me granata. Sipas të dhënave egjiptiane, të dyja palët refuzojnë për momentin negociatat për armëpushim.