OSBE shqyrton incidentin ndërmjet Rusisë dhe Gjeorgjisë

Organizata për siguri dhe bashkëpunim në Evropë, OSBE, ka shprehur shqetësim për grindjen ndërmjet Rusisë dhe Gjeorgjisë për një incident të pasqaruar në hapësirat e Gjeorgjisë. OSBE-ja po shqyrton informacionet për mundesinë e hedhjes së raketës ruse në territorin gjeorgjian dhe do të kërkojë një raport të hollësishëm, deklaroi ministri i jashtëm spanjoll Miguel Angel Morations, kryetar aktual i organizatës. Kryetari i shtetit gjeorgjian Michail Sakaschwili konfirmoi akuzën, sipas së cilës një raketë ruse është hedhur nga një avion në vendin e tij. Moska e kundershtoi edhe një herë akuzën dhe foli për provokim.