Luftë vërshimit të plastikës
Miliona ton mbeturina plastike ndotin oqeanet e botës, dëmtojnë peshqit dhe jetën detare. Por ka edhe disa mënyra për ta luftuar këtë plagë ndaj mjedisit.
Më shumë mbeturina se peshq?
Së paku 8 milionë ton mbeturina plastike derdhe çdo vit nëpër oqeane, sipas raportit të Fondacionit MacArthur Ellen. Raporti sinjalizon, se mbeturinat plastike deri më 2050 do të peshojnë më shumë se peshqit nëse nuk merren masa drastike për luftimin e tyre. Shumicën e këtyre mbeturinave rymat e ujit në oqeane i shtyjnë larg bregut. Ato prekin edhe brigje, si ky plazh në Midway të Paqësorit.
Viktima të plastikës
Plastikat lundruese jo vetëm e shëmtojntë mjedisin, por ato duke u thërmuar në grimca të vogla përfundojnë në stomakun e kafshëve të ujit. Një studim i Universitetit të Upsalas tregoi, se grimcat plastike mund të pengojnë zhvillim për peshqit dhe rrisin vdekshmërinë. Grimcat plastike në organizmin e peshkut dyshohet se paraqesin gjithashtu rreziqe shëndetësore për njeriun.
Alternativa që hahen
Oqeani Conservancy vlerëson se mbi 690 lloje në faunën detare janë prekur prej ndotjes nga plastika. Në përpjekje për të reduktuar ndikimin e këtyre mbeturinave disa kompani po zhvillojnë alternativa. Punishtja e përpunimit të birrës Delray Beach, në Florida, ka zhvilluar një ambalazh të përbërë nga gruri dhe elbi për të zëvendësuar paketimin prej plastike. Prodhimi do të nisë në tetor.
Paketime biodegraduese
Qeset e plastike që përdoren vetëm një herë përbëjnë pjesën më të madhe të mbeturinave në dete. Një kompani polake ofron një alternativë biodegraduese: Në vend të plastikës fabrika përdor krunde gruri. Sipas shpikësit Jerzy Wysocki, paketimi biotrem mund të përdoret në furrë ose në frigorifer dhe mbeturinat e tij treten brenda 30 ditësh - ose thjesht edhe mund të hahen pa e dëmtuar organizmin.
A është bambuja shpëtimi?
Edhe druri i bambusë që rritet shpejt është një alternativë për plastikën dhe mund të përdoret për të bërë çdo gjë që nga furçat e dhëmbëve, perdet për kabina dushi e deri tek pjesët përbëse të kompjuterit. Sipërmarrja Jiangqiao Bamboo Tonggu & Wood Industry Company - në fotografi - filloi në vitin 2008 prodhimin në masë të tastierave prej bambuje, miut të kompjuterit dhe kornizave të monitorëve.
Lopata e oqeanit
Alternativat mund të ndihmojë në uljen e mbeturinave, por miliona ton plastikë noton qetë rreth oqeaneve të botës - kjo masë do të mbetet për shekuj, sepse grimcat plastike nuk shpërbëhen. Fondacioni Dutch Ocean Cleanup synon t'i mbledhë këto mbeturina pa i dëmtuar krijesat e detit me një sistem lundrues dige me gjatësi 100 km. Sistemi do të përdoret në Paqësor deri në vitin 2020.
Modë nga mbeturinat
Një pjesë e mbetjeve plastike mund të riciklohen dhe të përdoren në forma të tjera. Firma spanjolle Ecoalf në Madrid përdor mbeturinat plastike, që mblidhen prej barkave të peshkatarëve në Mesdhe dhe prodhon prej tyre fije poliestre - të cilat përdoren për prodhimin e copave për xhupa, çanta shpine apo të tjerë artikuj mode.
Reduktim, riciklim dhe ripërdorim
Mbeturinat plastike mund të ripërdoren edhe në formën e tyre origjinale: në Konferencën e Kombeve të Bashkuara për Zhvillimin e Qëndrueshëm +20 në Rio de Zhaneiro në vitin 2012 - 20 vjet pas përcaktimit të ditës së oqeaneve - përgjatë shëtitores së Rio de Zhaneiros u ekspozuan peshq gjigandë të ndërtuar me shishe plastike.