Lirohen nga burgu rreth 3400 ithtarë të opozitës pakistanze
20 Nëntor 2007Autoritetet pakistaneze kanë liruar, sipas të dhënave të qeverisë, rreth 3400 ithtarë të opozitës. "Dy mijë të tjerë do të lirohen më vonë", tha një zedhënës i ministrisë së brëndshme pakistaneze. Simpatizantët e opozitës janë arrestuar qysh prej vendosjes së gjendjes së jashtëzakonshme më 3 nëntor.
Presidenti i Pakistanit dhe shefi i ushtrisë, Pervez Musharaf, ka rënë dakord për shpalljen zyrtare të datës së zgjedhjeve parlamentare në vend. Votimet do të mbahen më 8 janar, tha shefi i Komisionit qëndror të zgjedhjeve. Partitë duhet të shpallin listat me kandidatët e nominuar deri të martën e javës së ardhëshme. Musharaf deri tani nuk ka deklaruar nëse do ta shfuqizojë gjendjen e jashtëzakonshme të vendosur më 3 nëntor në vend. Sipas opozitës, nuk mund të ketë zgjedhje të lira në këto kushte.