Harold Pinter merr çmimin Nobel për letërsi

Para dyerve të mbyllura të sallës së pritjes në Stokholm, si çdo vit tjetër edhe tash qëndrojnë gazetare, reporterë, kameraman dhe fotografë. Atmosfera është entuziazmuese. Nga flatrat e mëdha e të bardha, del sekretari i përhershëm i Akademisë Mbretërore të Suedisë, Horace Engdahl, për të thënë fjalët të cilat i presin të gjithë: "Cmimi Nobel për letërsi i vitit 2005 i takon shkrimtarit anglez Harold Pinter!"

Sekretari i Akademisë, Horace Engdahl, në dhënien e çmimit Nobel për letërsi Harold Pinterit sheh këtë arsye: Harold Pinter hat in seinen Dramen den Abgrund unter dem alltäglichen Geschäft freilegt und er ist in den geschlossenen Raum der Unterdrückung eingebrochen.

Nominimet dhe debatet për zgjedhjen e të nominuarve me çmimin Nobel, në Akademinë Mbretërore të Suedisë, që prej 50 vitesh mbeten të fshehta. Por, natyrisht në prag të tyre u spekulua shumë.

Pas dorëheqjes së një anëtari të akademisë para dy ditësh, tensioni u ngrit edhe më shume. Knut Ahnlund veprën e të nominuarit të vjetëm më çmimin Nobel, Elfriede Jelinek ka kritikuar ashpër e sidomos kritikoi Akademinë Mbretërore për faktin se të 18 anëtaret e saj janë zgjedhur për gjithë jetën.

Kush është Harold Pinter?

Harold Pinter u lind në vitin 1930, në Londër, si djalë i një rrobaqepësi hebrej. Vargjet e tij të para i publikoi në moshën 20 vjeçare. Përkrah pjesëve teatrale, ai bëri edhe një numër radiodramash dhe skenaresh. Si dramaturg debutoi në vitin 1957 me pjesën teatrale "Dhoma", por shpërthimi i tij letrar erdhi pas dy vjetësh. Ai konsiderohet një përfaqësues i veçantë i dramës angleze, në pjesën e dytë të shekullit të 20-të.

Në ditën e vdekjes së shkrimtarit Alfred Nobel, me 10 dhjetor, në sallën e koncerteve në Stokholm, Harold Pinter do të pranojë nga dora e mbretit suedez medaljen Nobel, diplomën dhe çekun prej rreth 1 milion eurosh.