Ekuadori po kërkesës se Assange për azil

Grindja lidhur me themeluesin e WikiLeaks Julian Assange është përshkallëzuar. Ekuadori akuzon Britaninë, se e ka kërcënuar me sulm ndaj ambasadës së saj në Londër. Assange kërkoi aty strehim para shtatë javësh, sepse Britania e Madhe mund ta ekstradojë në Suedi, ku prokuroria e akuzon për delikte seksuale. Ministri i Jashtëm ekuadorian, Ricardo Patiño, tha në Quito se qeveria britanike ka kërcënuar qartë me shkrim se do të sulmojë, nëse nuk i dorëzojnë Assange.

Patiño tha se hyrja në ambasadë do të ishte një "shkelje e hapur" kundër marrëveshjes së Vjenës për misionet diplomatike. Patiño bëri njëkohësisht të ditur se qeveria e tij do të njoftojë të enjten pasdite, sipas orës evropiane, nëse Ekuadori do t'i garantojë azil themeluesit të WikiLeaks. Kanali televiziv britanik BBC njoftoi se për kapjen e Assange ambasadën ekuadoriane në Londër do t'i hiqet statusi i ekstraterritorialitetit. Wikileaks e dënoi kërcënimin si «të paparë», duke folur për një "sulm të pashembullt" kundër të drejtave të azilkërkuesve".