1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor

Diplomati gjerman – lamtumirë miqve të shumtë shqiptarë me ekspozitën e pikturës

Arben Muka19 Qershor 2006

Dietrich Schönfelder, atasheu i kulturës në ambasadën gjermane në Tirane, ka gjetur një mënyrë të vecantë që të përshëndetet më miqtë e shumtë shqiptarë, për përfundimin e misionit të tij diplomatik në Shqipëri. Gjatë fundjavës i ka mbledhur në ekspozitën e tij personale me pikturat më të mira të realizuara gjatë 4 vjetëve të qëndrimit në Shqipëri.

https://p.dw.com/p/AsF8

"Kam zgjedhur punimet më tipike që pasqyrojnë realitetin shqiptar. Janë mbresa nga vizitat që kam bërë në zona të ndryshme të vendit gjatë kësaj periudhe", tregon për DW-në Schönfelder, duke i treguar miqve të shumtë çdo telajo, çdo detaj nga krijimtaria e tij, që sigurisht lidhet me përshtypje nga kontaktet me njerëzit dhe natyrën e Shqipërisë.

Udhëtimi i tij nëpër viset shqiptare ka qenë dy herë i motivuar. Jo vetëm në detyrën e diplomatit, si përgjëgjës pëe marrëdhëniët kulturore mes dy vendeve, por dhe me kërshërine e ngacmimin e krijuesit. Eshtë e kotë të mbajë mend të gjitha stacionet e tij nëpër Shqipëri. Por i kanë mbetur në mendje dhe ndjehet i mahnitur nga bukuritë e rralla të Sarandës, nga Përmeti, ku ka dhe dy punime mjaft të ndjera, nga Korça, Shkodra, zona të thella veriore dhe verilindore etj., etj.

Shqipëria do të mbetet e pashlyeshme për diplomatin 62 vjeçar, pasi këtu ai guxoi dhe arriti suksesin me botimin e librit te tij të parë në prozë, një përmbledhje me tregime, titulluar "Rrëfimet e Helenes", një bashkëpunim me shtëpinë botuese të mirënjohur ONUFRI.

Botuesi Ferid Hudhri, vizitor i ekspozites se lamtumires se Schönfelder-it, kujton fillimet e bashkëpunimit me të, pranimin e ofertës per botimin e librit me tregime si dhe "disa prezantime te hapura që u bënë më pas me lexues te ndryshëm jo vetëm në Tiranë, por dhe në Laç, Lushnjë, Durrës etj. Nje vit me vonë ai më solli për botim dhe novelën ë dytë, titulluar ‘Ethe tropikale’.

Dietrich Schönfelder ka patur dhe ekspozita të tjera vetjake në Shqiperi, ndërkohë që më parë punimet e tij të pikturës i ka varur dhe ne atelie të Indisë e Finlandës.

Pas Tiranës ndalesa e tij e ardhshëme diplomatike e kulturore njëkohëshit do të jetë në Kabul të Afganistanit, ku siç thotë me humor "kam nisur të parapërgatitem që tani për befasi e sfida të tjera", të cilat do të shoqërohen sigurisht me ide dhe ngacmime të reja në "laboratorin" e tij krijues, pa lënë kështu asnjë çast në harresë edhe penën dhe penelin.