Depoja e lindanit, më e rrezikshmja në Maqedoninë e Veriut

Depoja e lindanit në vendin e ish-fabrikës „Ohis“ në afërsi të Shkupit, është renditur si më e rrezikshmja në vend nga toksiciteti i mbeturinave. Kjo substancë është e ndaluar për përdorim në më shumë se 50 vende.

Lindani është një substancë toksike që shkakton sëmundje të mëlçisë dhe gjakut, si dhe dëmtimin e sistemit nervor, kardiovaskular, imunitar dhe riprodhues. Kjo substancë grumbullohet në organizmat e gjallë dhe shkakton shumë lloje kanceresh.

Qytetarët shpesh i pyesin tregtarët se nga vijnë produktet që ata ofrojnë. Disa janë të njoftuar për ndotjen e tokës dhe ujit, të tjetër kanë dëgjuar për atë. Kjo është arsyeja pse në tregjet e gjelbërta shpesh vendosen mbishkrime me emrin e vendit ose rajonit nga ku vijnë prodhimet, si në këtë fotografi.

Zona rreth deponisë “Ohis” do të rikuperohet kur të largohet lindani helmuese. Autoritetet maqedonase kanë njoftuar, se një kompani e huaj do të zgjidhet për të pastruar depon për shkak të mungesës së përvojës dhe teknologjisë në vend. Deri në fund të vitit 2019, duhet të shpallet një konkurs ndërkombëtar nga organizat e OKB-së, për të zgjedhur një kompani që do të largojë lindanin.

Produktet me origjin nga rjaoni i rrethit të Shkupit, mundë të jenë të kontaminuar edhe për disa vite. Sipas profesorit nga Instituti i Kimisë në Fakultetin e Shkencave të Natyrës dhe Matematikës në Shkup, Trajçe Stafilov, zgjidhja më e sigurt është paketimi i të gjithë materialit, dhe transportimi i tij në disa vende, ku ka fabrika për shkatërrimin e mbeturinave të tilla.