Blair mirëpritet nga Abaz dhe Olmert, por refuzohet nga Hamasi

Emërimi i sh-kryeministrit britanik Tony Blair si i dërguar i posaçëm i të ashtuaquajturit kuartet i Lindjes së Afërme ka pasur jehonë të ndarë tek palestinezët. Derisa presidenti Mahmud Abaz e përshëndeti rolin e ri të Blair-it, Hamasi radikal islamik e refuzoi atë si ndërmjetës. Blair 'nuk është i mirëseardhur' në territoret palestineze, tha një zëdhënës i Hamasit. Nga ana tjetër qeveria izraelite i siguroi atij mbështetjen e vet. Zyra e kryeministrit Ehud Olmert shprehu shpresën për përparim në procesin e paqes në Lindjen e Afërme.