Ban Ki Moon kritikon vendimin e Izraelit për Rripin e Gazës

Sekretari i Përgjithshëm i Kombeve të Bashkuara Ban Ki Moon kritikoi vendimin e Izraelit për shpalljen si zonë armiqësore të Rripit të Gazës, që kontrollohet nga Organizata Radikale palestineze Hamas. Ai është shumë i brengosur me qëllimet e palës izraelite për bllokimin e rrymës dhe furnizimit me karburante të popullatës, sqaroi Ban Ki Moon në Nju Jork. Njëkohësisht Ban kritikoi edhe sulmet e pandërprera me raketa nga Rripi i Gazës në drejtim të Izraelit.