Al Maliki zhvillon bisedime me Teheranin per gjendjen në Irak

Kryeministri i Irakut, Nouri Al-Maliki, zhvilloi bisedime në Teheran me udhëheqjen iraniane për çështjet e sigurisë në Irak. Presidenti Mahmud Ahmadinexhad, theksoi në hapjen e bisedimeve se qeveria irakiane dhe populli irakian duhet të punojnë më shumë që të arrijnë stabilitetin dhe sigurinë në vend. Gjithashtu Irani, sipas burimeve zyrtare ka shprehur gadishmërinë për të ndihmuar Irakun.
Pritet që al Maliki të nxisë udhëheqjen e Iranit për vazhdimin e bisedimeve me SHBA-të për gjendjen e sigurisë në Irak. SHBA-të më parë e kishin akuzuar Iranin për mbështetje të milicëve shiitë që kryejnë sulme të dhunshme në Irak. Ushtria amerikane njoftoi se ka vrarë së paku 30 militantë islamikë të dyshuar për lidhje të ngushta me Iranin.