کندز هم د طالبانو لاس ته ولوېد

د کندز ښار د اوونۍ راهيسې محاصره شوی وو. د ۲۰۱۵ کال راهيسې هغه درې ځله د طالبانو لاس ته لوېدلی وو. کندز دريم ولايتي مرکز دی چې د ۴۸ ساعتونو په ترڅ کې طالبانو ونيولی شو. د آلمان پوځ هم تقريبا يوه لسيزه په کندز کې مستقر وو. د ۲۰۰۳ او ۲۰۱۳ کلونو په ترڅ کې آلماني عسکرو د کندز د اډې څخه د افغانستان په شمال کې امنيت تامين کړی وو. افغان امنيتي ځواکونه د نړيوالو ځواکونو د وتلو راهيسې په ډېرو جبهو کې د طالبانو پر ضد جنګيږي. طالبانو ډېرې اطرافي سيمې نيولې دي او اوس يې پر ښاري مرکزونو باندې هم فشار ډېر کړی دی.