چین: د کرونا په اصلي مرکز کي دوه عاجل روغتونونه جوړیږي
۱۳۹۸ بهمن ۱۳, یکشنبه
اعلان
د چين په ووهان کي عاجل روغتون بشپړه سوی او کاري عمله ورته انتقال سوې ده. دغه خبر د چین خبري آژانس، شین هوا نن یکشنبه (د فبرورۍ ۲ مه) ورکړی دی.
په دغه نظامي طبي پرسونل کي ډیری هغه کسان هم شامل دي، چي ۱۷ کاله دمخه یې د سارس ساري مرض د شیوع پر وخت په یوه عین عاجل جوړ سوي روغتون کي په پیکینگ کي کار کړی ؤ. د کرونا په اوسني طبي پرسونل کي هغه متخصیصین هم شامل دي، چي په سیرالیون او لیبریا کي د ایبولا سره په مبارزه کي یې برخه اخیستې وه. دغه ساري مرض څو کاله دمخه د افریقا په ځینو هیوادونو کي رامنځته او تر اوسه پوري لا کاملأ ورک سوی نه دی.
په ووهان کي د دوهم عاجل روغتون کار به په یو څو ورځو کي پای ته ورسیږي. تر دې دمخه په یوه مؤقتي طبي کلینیک کي د کرونا ویروس دناروغانو شپه او روځ درملنه کیدله او هلته به قرانطین کیدله هم.