چین خپلو اتباعو ته بیرته پاسپورټونه ورکوي

لکه څنګه چي د چین د مهاجرت چارواکو ملي ادارې پرون سه شنبه خبر ورکړ، هغه چینایان چي غواړي خارج ته سفر وکړي، د راتلونکي کال د جنورۍ له اتمي نېټې څخه کولای سي د پاسپورټونو اخیستلو عریضې وسپاري. 

د کرونا وبا تر شروع لږ وروسته چین د توریستي سفرونو په خاطر د نوو پاسپورټونو ورکول منع کړل. تر هغه راوروسته یوازي عاجلو تجارتي سفرونو او یا په خارج کي تحصیلي اقامت ته ویزې او پاسپورټونه توزیع سول.