شخړي
په کابل کې پیاوړې چاودنه وشوه
۱۳۹۷ آذر ۷, چهارشنبه
اعلان
د افغانستان د کورنیو چارو وزارت مرستیال ویاند نصرت رحیمي، د فرانسې خبري آژانس ته ویلي دي چې د برید هدف د کابل په ختیځ کې د G4S په نوم یوه بریتانیاوۍ امنیتي کمپنۍ وه.
یوې امنیتي سرچیني هم دغه خبره تایید کړې دی خو لا تر اوسه په کابل کې د بریتانیا سفارت او پخپله دې شرکت په دې اړه څه نه دي ویلي.
رحیمي ویلي چې لومړنۍ معلومات ښيي چې چاودنه د یوه موټر بم په واسطه رامنځ ته شوې او دا چې لا تر اوسه د تلفاتو په اړه معلومات په لاس کې نه شته.
امنيتي سرچینو ویلي چې اوس هم په سیمه کې د ډزو غږونه اوریدل کیږي.
لا تر اوسه پورې کومې ډلې د پیښې پړه پر غاړه نه ده اخیستې خو په وروستیو وختونو کې طالبانو او د اسلامي دولت ترهګرې ډلې په افغانستان کې خپلو بریدونو ته زور ورکړی دی.