شخړي
په کابل کې وسله وال برید ۲۹کسان وژلي دي
۱۳۹۸ اسفند ۱۶, جمعه
اعلان
اسوشیتد پرس خبري آژانس د افغانستان د عامې روغتیا وزارت ویاند وحیدالله مایار، له قوله لیکلي دي چې ټپیان روغتونونو ته لیږدول شوي دي.
د افغانستان د کورنیو چارو وزارت ویاند نصرت رحیمي، ویلي دي چې دغه ځای ته څیرمه لا هم له وسله والو سره نښته روانه ده.
د تلین د مراسمو په دغه غونډه کې د افغانستان د ډاکټر عبدالله عبدالله په گډون یو شمیر مشهورو کسانو برخه درلوده، چې د پيښې له ځای روغ رمټ وتلي دي.
طالبانو په دغه برید کې خپله ښکیلتیا رد کړې ده. په تیرو وختونو کې داعش ترهګرې ډلې پر شیعه مذهبو باندې بریدونه ترسره کړي دي.
تر دې دمخه افغان چارواکو ویلي ول چې په دغه پيښه کې ۱۸ تنه ټپیان شوي دي.
د افغانستان جمهور رئیس د دغي پيښي په هکله خپله خواشیني ښوولې ده او دغه برید یې د بشریت او ملي یووالي ضد یو جنایت بللی.