په کابل کې د شپږیزې لیګ سیالۍ پیل شوې

په دغو سیالیو کې اته لوبډلې ګډون کوي، چې سږ کال پکې د نورو کلونو په توپیر پنځه بهرني لوبغاړي ګډون لري او دوه تبصره کوونکي هم شته.

دغه سیالۍ د اتو لوبډلو تر منځ ترسره کېږي. کريکټ بورډ ویلي دي چې د سیالیو له پاره یې بشپړ چمتووالی نیولی دی.

خو د کريکټ یو مبصر بادام احمدزي دویچه ویله ته وویل چې په تېرو کلونو کې دغه سیالۍ په ولولو او شور نمانځل کېدلې؛ خو سږ کال د طالبانو په واکمنۍ کې د ملي سرود نه غږولو او ملي بیرغ نه شتون خلک یو څه خاموشه کړي دي.

ځینو مبصرینو بیا پر خواله رسنیو پر اوسنيو سیالیو نیوکې کړي او زیاته کړې یې ده، چې د کريکټ بورډ د کمې توجو له امله اوسنۍ شپږیزه د تېر په څېر نه ده پلان شوې.