په کابل کي د ناټو مقر ته نژدې سخته چاودنه سوې

د افغانستان د کورنيو چارو وزارت وياند نصرت رحيمي ويلي دي چي د کابل په شش درک سيمه کي د ناټو مقر ته نژدې د پنجشنبې ورځي په سهار شاوخوا ۱۰ بجې ستره چاودنه سوې ده.

د امريکا متحده ايالاتو سفارت او د ملي راډيو تلويزيون رياست هم د پيښي ځای ته نژدې دي.

په دې پيښه کي د تلفاتو په اړه سمدستي معلومات نه دي ورکړل سوي. سيمي ته امبولانسونه رسېدلي دي.

په ټولنيزو رسنيو کي له خپاره سوو انځورونو څخه ښکاري چي له يادي سيمي څخه سپين لوگي اسمان ته پورته کيږي.

د پيښي مسئوليت تر اوسه پوري کومي ډلي نه دی منلی.

(N.Z/S.R(dpa