طبيعت او چاپيريالایران
په ایران کې اورلګېدنه کې نژدې ۳۰ کسان مړه شوي
۱۴۰۲ آبان ۱۲, جمعه
اعلان
د فرانسې خبري آژانس د رپوټ پر اساس د اورلګېدنې دغه پېښه د جمعې په ورځ (د ۲۰۲۳م کال د اکتوبر درېيمه) د پلازمينې تهران شمال ته پروت، د ګیلان ایالت په لنګرود ښار کې شوې ده.
دایران د قضايي قوې پورې اړوندې ويب پاڼه، میزان وايي: «په لنګرود کې د مخدره موادو د معتادینو د درملنې په يو مرکز کې د اورلګېدنې له کبله ۲۷ کسان مړه او ۱۲ نور روغتون ته رسول شوي دي.»
میزان دغه خبر د ګيلان ایالت د مشر قاضي اسماعيل صادقي له قوله ورکړی دی.
په رپوټ کې د اورلګېدنې د رامنځ ته کېدو دليل او د ټپیانو د روغتيایي وضعیت په هکله وضاحت نه دی ورکړل شوی.
تېرکال د ایران په اوين زندان کې اورلګېدنې شوې وه چې د هغه مهال رپوټونو مطابق ۴ بندیان په کې مړه او ۶۱ نور ټپیان شوي ول.