په امريکا کې پر کنيسه بريد يولس تنه ووژل
۱۳۹۷ آبان ۶, یکشنبه
اعلان
د پولیسو یوه ویاند ویلي چې شکمن بريدګر ځان تسليم کړ او ونيول شو. ويل کيږي چې «په کنيسه کې دننه ډېر تلفات اوښتي دي». د بريد د انګېزې په هکله لا معلومات نشته، خو داسې ښکاري چې د يهودانو پر ضد د تعصب او نفرت له کبله دې تر سره شوی وي.
د متحده آيالاتو د عدليې وزير او لوی څارنوال جېف سېشنس، وويل چې عامل ته ښايي د اعدام حکم واورول شي. د ځايي امنيتي ادارو د مشر وېندل هيسريش، په حواله يولس تنو خپل ژوند له لاسه ورکړی دی. سربېره پر دې شپږ تنه د څلورو پوليسو په شمول ټپيان شوي دي.