په آلمان کې یو کس د ترهګریز برید د پلانولو په تور نیول شوی
۱۳۹۷ مرداد ۳۱, چهارشنبه
اعلان
روسي تبعه محمد علي سي. چي د آلمان د قوانینو له مخې یې بشپړ نوم نه دی بربنډ شوی، په برلین کې له یوه کوره نیول شوی دی. پر هغه باندې شک دی چې هغه «د حکومت د ویجاړولو په موخه جدي تاوتریخوالی» پلان کړی وو. دغه څرګندونې د آلمان د فدرال څارنوال دفتر د چهارشنبې په ورځ (د ۲۰۱۸ کال د اګست ۲۲مه نېټه) کړې دي.
ویل کیږي چې دغه نیول شوی کس له کلیمنت بي. سره اړیکه لري چې تیر کال په فرانسې کې د ترهګری په تورونو نیول شوی وو.
څارنوالانو ویلي دي چې دغه کس یو «اسلامپاله افراطي» وو چې ویل کیږي په ۲۰۱۶ کال کې یې په برلین کې په خپل کور کې ډیر چاودیدونکي مواد زخیره کړي ول.