پاکستان: په بمي چاودنه کې مرګ ژوبله اوښتې

د اسوشتید پریس د رپوټ پر اساس، دغه چاودنه د بلوچستان په هرنائي ولسوالۍ کې چې د مرکز کوټې ښار په شمال لويديځ کې پرته ده، شوې ده.

د يادې ولسوالۍ مرستیال کمشنر، جاويد دمکي، وویل چې بمي موادو هغه مهال چاودنه وکړه چې د مري پيټرولیم شرکت يوه ډله د ګازو د کشف په یوه سروې باندې بوخته وه. د دغې چاودنې مسئولیت هېڅ چا په غاړه نه دی اخیستی.

د پاکستان بلوچستان ایالت له کلونو راهيسې د بيلتون غوښتونکو او نورو یاغي ډلو له خوا د ټېټې سطحې ناامنيو شاهد دی. که څه هم د پاکستان حکومت ادعا کوي چې په دغه ایالت کې ېې شورش او تاوتريخوالی سرکوبه کړي، خو چاودنې او وسلوال بریدونه په کې ادامه لري.

آ./م.ک.ص./ا.ا.