ملګرو ملتونو د کابل په یوه مسجد کې چاودنه غندلې ده
۱۴۰۱ اردیبهشت ۱۱, یکشنبه
د انتونیو ګوتریش يوه ویاند په یوه اعلاميه کې ويلي دي: «عمومي منشي د کابل په لويديځ د خلیفه په مسجد کې د تیرې ورځې برید چې د جمعې لمانځه پر وخت وشو، په کلکه غندي.»
زیاته شوې ده: «هغه د قربانيانو له کورنیو سره خپله ژوره خواشيني ښودلې او د ټپيانو له پاره ېې د عاجلې روغتیا هيله کړې ده. پر ملکيانو او د مسجدونو په څیر ملکي ځایونو باندې حملې د نړیوال بشردوستانه قانون پر اساس ممنوع دي.»
یوه چارواکي وويل ظاهرا د دغې چاودنې هدف د صوفي لږکۍ ټولنې غړي ول چې د جمعې تر لمانځه وروسته ېې خپل رسومات ترسره کول.
په ټولنیزو رسنیو کې د پيښې زړه بوګنونکي انځورنه خپاره شوي چې په هغو کې له چاودنې بچ شوي خلک له جوماته په منډه د وتلو په حال کې دي او يو شمیر بیا لیدل کیږي چې د ماشومانو په ګډون د پيښې قربانیان انتقالوي. د مسجد پر فرش باندې د وینې داغونه هم ترسترګو کیدلی شي.
د طالبانو د کورنيو چارو وزارت ویاند، عبدالنافع ټګور وويل چې په دغه چاودنه کې لږ تر لږه لس کسان وژل شوي دي. د کابل پولیسو بیا ویلي دي چې ۳۰ تنه ټپيان شوي هم دي.
په وروستيو اوونيو کې د کابل په ګډون د افغانستان په ځينو برخو لکه کندز او بلخ کې بمې چاودنې شوي چې د يو شمیر هغو مسئولیت ېې داعش ډلې منلی دی کوم چې په کې د صوفي او شیعه ټولنې غړي په نښه شوي دي.
آ./م.ک.ص./ا.ا.