مصر: په ترافيکي پيښه کې ۷ کسان مړه او ۲۲ ژوبل شوي
۱۴۰۱ مرداد ۲۸, جمعه
اعلان
د آلمان خبري آژانس، له قاهرې ليکلي چې دغه ترافيکي پيښه د منیا ښار يوې ورودي دروازې ته نژدې شوې ده.
د الیوم السابع په نوم ورځپانې له قوله ويل شوي چې لومړنۍ څېړنې ښيي چې لارۍ موټر یو مساپر وړنکی بس چې له اقصر څخه د قاهرې پر لور روان وو وهلی دی. زياته شوې ده چې د پېښي پر مهال په دغه بس کې شاوخوا ۵۰ کسان سپاره ول.
په مصر کې د ترافيکو پيښو رامنځ ته کېدل په نسبي توګه معمول دي چې تر ډېره ېې د موټر چلونکو بې احتیاطي او د سړکونو خرابوالي لاملونه ښودل کیږي.
مصر د خپلو سړکونو د کیفيت لوړولو په موخه، په وروستیو کلونو کې د نوو لارو يوه شبکه جوړه کړې ده.