له اوکراین سره د امریکا ۸۰۰ ميليونه ډالره نوري مرستي
۱۴۰۱ فروردین ۲۵, پنجشنبه
بايدن د دغې نوې کمکي بستې اعلان، د اوکراین له ولسمشر، ولاديمیر زيلنسکي سره تر ېوې ټيلفوني اړيکې وروسته وکړ.
د اسوشتید پریس خبري آژانس په حواله د امريکا متحده ایالاتو د مرستو په دغې نوې بسته کې اضافي چورلکي او توپخانه يي امکانات هم شامل دي.
اوکراين به همدارنګه زغروال پرسونل وړونکي، هاموي ټانګونه، د ساحلي دفاع له پاره د سمندري ځواکونو ډرون او له کیمياوي، بیالوژيکي، اټومي او راډيولوژيکي بریدونو څخه د عسکرو د محافظت له پاره تجهیزات او وسايل ترلاسه کړي.
د امریکا ولسشمر، جو بايدن په یوه اعلاميه کې ويلي دي: «د مرستې په دغه نوې بسته به د وسلو لوړ تسلیحاتي سیستم شامل وي.»
بايدن زیاته کړې ده: «د امریکا متحده ایالاتو او د هغه د متحدینو له خوا اوکراین ته د چمتو کړل شوو وسلو دوامداره اکمالات، د روسي یرغل پر وړاندې مبارزه کې حياتي دی.»
امریکا د روان کال د فبروري مياشتي له ۲۴مې نېټې راهیسې چې روسېې پر اوکراين باندې پوځي یرغل کړی، اوکراین سره د ۲ اعشاريه ۶ ميليارده ډالرو په ارزښت مرستې کړي دي. دغو مرستو تر اوسه د اوکراين د ملاتړ او دفاع په برخه کې کليدي رول درولودلی دی.
بايدن په ګانګرس کې د دواړو ګوندونو د غړو له لوري له اوکراين سره د مرستو د ډيريدو په تړاو تر فشار لاندي دی.
د امریکا دفاع وزارت یا پنتاګون ويلي دي چې د بايدن له خوا د ۸۰۰ ميليونو ډالرو کمکۍ بسته چې په هغې کې وسلې او مهمات هم شامل دي، د اوکرايني پوځ له پاره کوم چې د امریکا پوځي تکنالوژۍ سره پوره بلدتیا نه لري، د یو لړ روزنو اړتیا هم لیدل کیږي.
د امريکا او د هغه د متحدینو ځواکونه اته کاله په اوکراین کې حضور درلود چې هلته ېې اوکرايني ځواکونو ته پوځې روزنې ورکولې. دغه ځواکونه د روسېې له وروستي پوځي يرغل څخه د مخه له دغه هیواده بیرته وتلي ول.
اروپايي اتحادېې تر اوسه اوکراین ته د یونیم ميلیارد يورو په ارزښت پوځې مرستې په اختیار کې ورکړي دي.
له اوکراين سره د لوېديځ پوځي ملاتړ داسې وخت زور اخلي چې ويل کيږي روسيه د اوکراين په ختيځ او دونباس سیمه کې یوې پراخې حملې له پاره تیاری نیسي.
خو روسېې له اوکراین سره د لويديځ د پوځي مرستو د ادامې په غبرګون کې ګواښ کړی چې د امريکا او ناټو د تسلیحاتو حامل وسایط به په نښه کړي کوم چې په اوکراین کې ېې «مشروع پوځي اهداف» بللي.
د روسېې د بهرنيو چارو مرستيال وزير، سرګئي ريابکوف د دغې مسئلې په اعلانونو ټینګار وکړ چې په اوکراین کې روسي ځواکونو ته د صدمې رسولو له پاره د لويديځ هڅې به له شدیدو غبرګونونو سره مخ شي.
د روسېې د بهرنيو چارو وزير، سرګي لاوروف هم لويديځ جګړې ته په لمن وهلو تورن کړي دي. هغه ويلي دي: «وبه ګورو چې زموږ غربي همکاران د هغه له ډلې اروپايي اتحاديه څه خطرناک تصمیمونه او چلندونه لري.»
آژانسونه/د.و.ف/م.ک.ص./ن.ز.