عمران خان د ټول هیواد په کچه احتجاجونو ته بلنه کړې
۱۴۰۲ اردیبهشت ۲۴, یکشنبه
د پاکستان دغه پخواني لومړي وزیر د شنبې په ورځ )د ۲۰۲۳ کال د می په ۱۳ نېټه( په خپل تویتر کې اعلان وکړ چې پلویان یې باید د یکشنبې په ماښام د سمیه ایز وخت مطابق ۵:۳۰ د ټول هیواد په کچه په مختلفو ښارونو او کلیو کې د یوه ساعت له پاره احتجاجي مظاهرې وکړي. د تحریک انصادف ګوند (PTI) دغه مشر غواړي چې د چهارشنبې په ورځ نوو او بیړنیو تاکنو له پاره خپل کمپاین پیل کړي.
د اسلام آباد لوړې محکمې د عمران خان ضمانت منلی دی
خان چې د تیرې سه شنبې په ورځ په اسلام آباد کې د سترې محکمې په احاطه کې د امنیتي ځواکونو له خوا نیول شوی و، وروسته بیا د سترې مخکې له خوا د هغه نیول کیدل «غیر قانوني» وبلل شو او د یوې قانوني وثیقې یا ضمانت په اساس د دوو اونیو له پاره آزاد شو.
د نورو موضوعاتو له پاره زمونږ یوټیوب شبکې ته سر ورښکاره کړئ:
د نورو موضوعاتو له پاره زمونږ فیسبوک شبکې ته سر ورښکاره کړئ:
د عمران خان تر نیول کیدو وروسته پلویانو یې د پاکستان په مختلفو ښارونو کې په مظاهرو لاس پورې کړ، لارې یې بندې کړې او یو شمیر ودانیو ته یې اور ولګاوه. د پولیسو او داکترانو په وینا په دغو مظاهرو کې لږ تر لږه ۹ تنه مړه شوي او سلګونو امنیتي ځواکونه ټپیان شوي. د دغو مظاهرو په تړاو تر ۴۰۰۰ ډیر کسان نیول شوي دي چې اکثريت يې له پنجاب او خیبر پښتونخوا څخه دي.
آژانسونه: ش.ن/ ا.و. ا