طالبان: په مزار شریف کې چاودنې ۶ کسان وژلي
۱۴۰۱ آذر ۱۵, سهشنبه
اعلان
د طالبانو یوه امنیتي مسؤل ویلي، چې دا د سړک غاړې یو ماین و او هغه موټر پکې په نښه شوی، چې سهار وخته یې دولتي کارکوونکي لیږدول.
د بلخ لپاره د طالبانو ادارې د امنیې قوماندانۍ ویاند محمد آصف وزیري وایي، چې په دې چاودنه کې شپږ کسان وژل شوي او ۷ نور کسان ټپیان شوي دي.
د طالبانو دغه ویاند وایي، ماین په یوه لاسي کراچۍ کې ځای پر ځای شوی و او هغه وخت چاوديدلی، چې یوه بس د حیرتان د نفتو او ګازو ادارې کارکوونکي لیږدول.
تر اوسه هیڅ وسله والې ډلې د دغه برید مسؤلیت پر غاړه نه دی اخیستی.