طالبان: د کابل- جلال اباد لویې لارې اصلي مسیر پرانېستل شو
۱۴۰۲ مهر ۱۱, سهشنبه
اعلان
د دغه وزارت چارواکو نن پر خپله ایکس پاڼه (ټویټر) لیکلي دي چې د کابل- جلال اباد لویې لارې اصلي مسیر چې له تیرو څو ورځو راهیسې د مسافر وړنکو موټرو او عامو خلکو پر مخ تړل شوی و، د څو ورځینو پرلپسې هڅو وروسته نن پرانېستل شوی دی.
د دغه وزارت د چارواکو په خبره چې د لارې د بندوالي پر مهال موټرو پر یوه فرعي لاره باندې تګ راتګ کاوه.
د کابل- جلال اباد لویه لاره د تېرې سنبلې یا وږي میاشتې په وروستیو کې هم په ماهیپر سیمه کې د غره ښوېدو له کبله څو ورځې بنده وه. چې هغه مهال موټرو ته د کاپیسا او یا هم لته بند له لارې د تګ راتګ سپارښتنه شوې وه.
د کابل- جلال اباد لویه لاره ډېر وخت د بارانونو او غره ښوېدو له امله تړل کېږي چې په جریان کې یې خلک له سختو ستونزو سره مخ کېږي.