زيلنسکي له جي ۷ هېوادونو څخه د نور طبعی گاز غوښتنه کړې
۱۴۰۱ آذر ۲۲, سهشنبه
اعلان
د اوکراین ولسمشر ولودیمیر زیلنسکي له جي ۷ هیوادونو څخه وغوښتل چې دوي ته نور طبیعي ګاز وليږدوي. زیلنسکي د اوو مخکښو صنعتي هیوادونو په ویډیوي کنفرانس کې وویل چې هیواد يې د ژمي په موسم کي شاوخوا دوه ميلیارده مترمکعب اضافي ګاز ته اړتیا لري. له اوکراین سره د ژمنیو مرستو د ليږد په اړه یو نړیوال کنفرانس په پاریس کې جوړیږي. د آلمان په استازیتوب به پکې د بهرنیو چارو وزیره انالینا بیربوک برخه واخلي. د روسیې له خوا رامنځته شوي ویجاړتیا ته په پام سره، د زیربناوو د بیارغونې له پاره باید کلکې ژمنې وشي.