هنر
د هندي سينما يو بل مشهور هنرمند رشي کپور هم ومړ
۱۳۹۹ اردیبهشت ۱۱, پنجشنبه
اعلان
رشي کپور د «بوبي» او «ميرا نام جوکر» فلمونو کې د نقش په لوبولو سره په لومړي ځل وځليد او د مینه والو په زړونو کې یې ځانګړی ځای پیدا کړ. د نوموړي کورنۍ ويلي چې هغه د پنجشنبې په سهار د وينې له سرطان سره تر دوه کلنې مبارزې وروسته ومړ.
د مرګ پرمهال رشي کپور ۶۷ کاله عمر درلود. له هغه یې ښځه او دوه اولادونه پاتې شول چې يو یې د هند د سينما مشهور ځوان ستوری رنبير کپور دی.
د رشي کپور کورنيو په يوه اعلاميه کې ويلي: «هغه په تیرو دوو کلونو کې په دوو لويو وچو کې د درملنې پر مهال خوښ او هوډمند پاتې شو.»
د رشي کپور د مړيني خبر په داسې حال کې ورکول کيږي چې همدا پرون، چهار شنبه د هند يوه بل مشهور هنرمند عرفان خان هم د سرطان د ناورغۍ قرباني شو. عرفان خان چې دهالي ووډ سينما په يو شمير مشهورو فلمونو کې هم لوبيدلی وو، ۵۴ کلن وو.
زموږ له آرشیف څخه: