د لکي مروت بريد پر عاملينو پسې لټون روان دی

په يوه بريد کې په موټرسايکل باندې سپور بريدکوونکي ځان ته د امنيتي ځواکونو له يوې ودانۍ سره چاودنه ورکړه. پوځ دا هم ويلي چې ځواکونه يې تر اوسه پورې سيمه پلټي څو هغه بريدکوونکي پيدا کړي چې تر حملې وروسته له ساحې څخه تښتېدلي دي. د بريد مسئوليت تر دې دمه چا نه دی منلی، خو داسې ګومان کيږي چې پاکستاني طالبان به يې تر شا ولاړ وي.د یوه ډګرمن په ګډون د پاکستان پنځه تنه امنیتي سرتیري وژل شوي
    دغې ډلې پخوا هم داسې ورته بريدونه تر سره کړي او په دغه سيمه کې قوي حضور لري. د تحريک طالبان پاکستان ډله له افغان طالبانو سره اړيکې لري، خو يوه بېله ډله ده. دا چې په افغانستان کې طالبان قدرت ته رسېدلي دي، نو پاکستاني طالبانو هم په تېرو مياشتو کې خپلو بريدونو ته زور ورکړی دی.