د عراق په شمال کې د ايران په توغندیز بريد کې يو تن وژل شوی

د ايران له خوا د عراق په شمال کي د ايراني کردانو د مخالفو ډلو پر پوستو په توغنيدزو بريدونو کې کم تر کمه د يو تن د مړيني او اته نورو د ټپي کيدو سبب شوی. دا خبره د عراق په شمال کې د کردانو ځايي چارواکو کړې ده. د عراق د کردستان د نیمه خودمختاره سیمې د روغتیا وزیر ویلي، ایران دغه تازه توغندیز بریدونه د عراق په شمالي ولایت سلیمانیه کې کړي دي. د ایران رسمي خبري اژانس ایرنا راپور ورکړی چې په تهران کې د سپاه پاسداران انقلاب ځواکونو دا بریدونه تایید کړي او ویلي یې دي چې د بې پیلوټه الوتکو او توغندیو بریدونه د "ترهګرو پر پټنځایونو" شوي دي.