ایکوادرو: بلجیم ته ۸،۸ ټُنه پلان سوي کوکاین نیول سوي
۱۴۰۱ اسفند ۸, دوشنبه
اعلان
د ایکوادور یوه نماینده، فاوستو سالیناس پرون یکشنبه پخپل تویتر کي لیکلي، چي دا د سږکال په جریان کي د کوکاینو د نیول کیدو ډیر لوړ ریکارډ ؤ. هغه همدارنګه وویل، چي « موږ د دې مخنیوی وکړ، چي په ۹۰ ملیونو دوزو کي د ۳۳۰ ملیونو ډالرو په ارزښت په اروپا کي خرڅ سي».
ایکوادور د کولمبیا او پیرو تر منځ پروت دی، کوم چي د کوکیاینو لوی تولیدونکی هیوادونه دي. ایکوادور په ۲۰۲۱ م کال کي تقریبأ ۲۱۰ ټُنه کوکاین ضبط کړي وه، کوم چي اروپا ته ترانسپورټ کیدله. په ۲۰۲۲ م کال کي یې بیا تقریبأ ۲۰۰ ټُنه کوکاین ضبط کړي وه، کوم چي د کیلو په کارتنونو کي ځای پر ځای سوي او اروپا ته انتقالیدله.