ايټالوي ساتونکو نژدې ۷۰۰ مهاجر ژغورلي او پنځه مړي ېې موندلي
۱۴۰۱ مرداد ۲, یکشنبه
له روم څخه د رويټرز خبري آژانس په حواله ۶۷۴ مهاجر د کالابریا ټاپو څخه ۱۲۴ مایله لرې د ايټالیا د کب نيونې په یوه کښتۍ کې موندل شوي دي او یو شمیر نور د اوبو له منځه ژغول شوي دي. زیاته شوې چې د لټون په ماموریتونو کې يوې تجارتي کښتۍ، د ايټالیا ساحلي ساتونکو او پولیسو (د پلټنې ځانګړي مسلکي پوليسو) برخه اخیستې ده.
په اعلامیه کې ويل شوي دي چې ژغورل شوي مهاجر د يکشنبې په ورځ بندري ښار سيسيل او کالابریا ته انتقال شوي دي او پنځو مړو موندل شوي جسدونه د سيسيل اړوند مسینا ښار روغتون ته سپارل شوي دي.
په سمندر کې د مناسبو شرایطو د موجودیت په جریان کې د مدیترانې سمندرګي له لارې اروپا ته مهاجرتونه ډيریږي.
د ايټالیا د کورنيو چارو وزارت د ارقامو له مخې، د روان میلادي کال له پیل راهېسي له ۳۴ زرو څخه ډيرو مهاجر ځانونه ايټالیا ته رسولي دي. د تير کال په همدې موده کې دغه شمیر شاوخوا ۲۵ زره او ۵۰۰ وو.
د مدیترانې سمندرګي هیوادونه اروپا ته د تلونکو مهاجرو تر ټولو مهمې لارې دي. سږکال د اوکراین جګړې له کبله د خوراکي موادو د کمښت باوجود تمه کيږي چې د منځني ختيځ او افریقايي هیوادونو څخه د مهاجرت له يوې نوې څپې سره له ۱۵۰ زرو ډير مهاجر اروپا ته ځانونه ورسوي.
آ/م.ک.ص./ا.خ.ح.