افغان سوداګرې د طالبانو له خوا د نويو محدوديتونو ويره لري
۱۴۰۱ دی ۲۰, سهشنبه
د آلمان د خبري آژانس په حواله په مراز شريف، پل خمري او کندهار ښارونو کې ښځينه سوداګرو ويلي دي چې سيمه ایز طالب چارواکو ورته د خپلو تجارتونو د تړلو امر کړی دی.
په مراز شريف کې يوې دوکاندارې د »طلوع نيوز« شبکې ته ويلي: «د طالبانو د امر بالمعروف ادارې يو چارواکی راغلی وو او موږ ته یې وويل چې موږ یوه اونۍ وخت لرو څو خپل دوکاندونه وتړو او پر کور کښينو.» د دې پريکړې اصلي دليل له نارينه وو سره ګډ کار او د حجاب د لارښوونو نه مراعتول په ګوته شوي دي.
د م.م. د بشري حقونو مشر: ښځې تر «سیستماتیک برید» لاندې دي
په پل خمري ښار کې هم د سنګارتونونو چلوونکو ويلي دي چې طالبان یې کار فتنه خپرونکی او د شريعت سره په ټکر کې بولي. خو د طالبانو د امر بالمعروف ادارې وياند عاکف مهاجر د سه شنبې په ورځ د «ډي پي ای» خبري آژانس ته ويلي دي چې دغه رپوټونه ناسم دي.
د ۲۰۲۱م کال په اګست مياشت کې په دويم ځل واک ته تر رسېدو وروسته طالبانو د ښځو پر زده کړو او کار بندیزونه وضع کړل.
د ملګرو ملتونو کمیسار: په افغانستان کې ښځې په بې ساري ډول ځپل کیږي
دمګړۍ نجوني اجازه نه لري چې تر شپږم ټولګې پورته ټولګيو او يا هم پوهنتونونو ته ولاړي شي. په دفترونو کې د ښځو پر کار چې د ملګرو ملتونو په څېر خارجي سازمانونه هم پکې شامل دي، هم بندیز دی.