اسرائیلي پوځ د اکتوبر د اوومې برید د پلانوونکي انځور خپور کړ
۱۴۰۲ دی ۱۷, یکشنبه
محمد ضیف په دې انځور کې له یوه بل چا سره د خبرو په حال کې لیدل کیږي چې په ښي لاس کې یو پلاستیکي ګلاس کې نوشابه لري او چپ لاس کې یې څو د ډالرو لوټونه دي.
محمد ضیف په تیرو کلونو کې څو وارې د اسرائیلي ځواکونو له بریدونو څخه ژوندی پاتی شوی دی. د ضیف میرمنه او زوی د اسرائیل په بمباریو کې وژل شوي دي. محمد ضیف د حماس د نظامي څانګې قوماندان دی او اسرائیل هغه خپل لوموړی درجه دښمن بولي.
محمد ضیف چې اصلي نوم یي محمد مصري دی، احتمالاً په ۱۹۶۵م کال کې غزې تراډې ته نږدې د خان یونس په یوه پنډغالي کې زیږیدلی دی او په تیرو دوو درو لسیزو کې یې د اسرائیل پر وړاندې په ډیر شمیر عملیاتو کې ګډون کړی دی.
محمد ضیف د بیولوژي په رشته کې تحصیل کړی او یوه موده یې د تیاتر په برخه کې هم فعالیت کړی دی. هغه له خپلو هم سنګرانو څخه د «ضیف» یا میلمه لقب ترلاسه کړی، ځکه په پرله پسې ډول به یي خپل د استوګنې ځای بدلولو. د حماس پیروانان محمد ضیف «ویاړلی اتل» بولي.
ویل کیږي چې تر دری میاشتې مخکې پورې یعنې په غزه کې د جګړې د پیلیدو تر وخته پورې اسرائیل یوازې ډیر پخواني انځورونه د هغه کس درلودل چې ګمان کیده د اکتوبر د اوومې د بریدونو یو له طراحانو څخه به وي.
آژانسونه: ش.ن/خ.ح